نداء .. لكل شاب و صبية بالغربة ...

lموضوع مخصص لكل شاب (او صبية) مقيم بالغربة ...

ما هي أهم الاسباب التي تدفع الشاب الى الاغتراب عن بلده و اهله ؟؟

ماهي مميزات و سلبيات الغربة بنظركم؟

هل هناك فرق ما بين احلام و طموحات المغترب و بين ما يجده على ارض الواقع بعد السفر و الاغتراب؟
و
اخيرا ... هل تشجع ابناء بلدك على الاغتراب ؟؟؟؟!!!!!

بانتظار مشاركاتكم ....

كمغترب من هالمغتربين الكتار بالامارات بعتقد انو السبب الرئيسي هوي العسكرية

يمكن في شباب خدمو الجيش واجو لهون بس النسبة الكبيرة بعد ما خدمت وجاي لهون على ا

اساس انو ممكن تلم البدل وتأمن مستقبلا

هلق هون الحظ ممكن يلعب لعبتو ( طبعا اذا كان معك انكليزي وكومبيوتر) لانو بدونون ما فيك تشتغل شي ممكن يأمنلك مستقبلك

كتيير من اللي بيجو لهون ومنون انا كنا مفكرين انو المصاري متل اللي عم يحوش تفاح عن الشجرة بس اكتشفنا انو الشجرة خلص التفاح منا

لذلك بتتغير نظرتك للغربة وبتصير تسب الساعة اللي فكرت تترك بلدك وتجي لهون

هلق ما بقللك اكيبد في عالم حالتا المادية منيحة وفي منون ممتازة بس هيدا كلو ما اجا غير من

التعب و الشغل

انا مافيي قول انو لا ما عد حدا يجي لهون او حتى يتغرب لانو كل واحد حسب دراستو وحسب علمو وحسب ليش متغرب

بس بالنهاية الغربة ما في اصعب منا Question

_________________
واحد اتنين تلاتة

الياذدية يا حياتي

انا مغترب بدولة قطر
بالنسبه للاسباب الداعية للسفر هيي كتيرة
ومن اهما العسكرية وتامين المستقبل الشخصي
ومظبوط متل ما بيقولو الغربة وحشة بس شو فية الواحد منا يعمل هي حال الدني
لان صارت هالايام ببلادنا غالية وما فيه الواحد منا عم يحط ليرة على ليرة ومتل ما بيقولو اسال مجرب 000000

انا احد المغتربين الموجودين باليمارات
سبب غربتي عن اهلي وضيعتي هوي سبب واحد مافي تاني
<العسكرية >
انا بقلكون يا جماعة محدا يفكرانو الغربة سهلة لان اصعب شي انو الواحد يترك اهلو و وطنو بس هيك مكتوب
و من جهة تينيي انا بحب قول للشباب يللي ميفكرو كنون بيخدمو عسكرية ولا بيسيفرو
الحل الافضل من كل النواحي السفر
لان العسكرية اصعب من السفر وبعدين الواحد بالغربة بتعود يعتمد على نفسو موعلى اهلو وبياْمن مستقبل وبتعرف على بلد جديد وقوانين جديدة
على كل حال الله يوفق الجميع
بس بضل الغربة صعبة كتير مو شوي

[size=18]موضوع كتير مهم شكرا على طرحو
يا شباب ويا صبايا الغربة صعبة كتير حتى لو كان وضعك فيها ممتاز بس بتضل غربة وبيضل الواحد يحن لبلدو وضيعتو وأهلو وأصحابو وحتى للطبيعة الموجودة عنا ببلادنا
ولكن للأسف الشديد ومتل ماتفضلتو كلامكن صح وللغربة أسباب منها العسكرية وتأمين المستقبل
والسبب في ذلك قلة الفرص للعمل في بلادنا وطبعا فرق العملة مابدها تنان يحكو فيها
وبالنسبة للنصيحة منشان الواحد يتغرب أو لا
أنا ممكن أنصح واحد مانو عم يلاقي فرصة شغل بالبلد للسفر بس في ظاهرة هون بالغربة عم تصير كتير وهيي مؤسفة جدا وهي أنو نحنا جايين لهون للأسباب اللي ذكرناها سابقا بس قسم كبير من المغتربين مانن عم يهتمو بموضوع تحقيق نتيجة ملحوظة يعني أذا بدنا نصرف هون كلشي عم ندخلو معناتا نحنا فاشلين ومافي داعي نتغرب لازم كل واحد يوضع خطة لوضعو بالغربة وأذا مافي نتيجة يدور على حل تاني وبسرعة لأن الوقت مابينطر حدا وشو بينفع الندم ونقول ياريت وياريت وطبعا الغربة مانا سياحة متل مابيفكر البعض هي عبارة عن تجربة ممكن تكون طويلة وممكن تكون قصيرة وبكل الأحوال بتضل غربة وهدفنا منها نعمل نتيجة وكل واحد يتذكر ليش سافر من بلدو ولا يضيع الفرص لحتى يكون انسان ناجح
وأنا أسف أذا طولت بالشرح وشكرا للجميع[/size]

انا بقول انو كل واحد سافر هربا من العسكرية هو جبان صحيح العسكرية صارت كتير صعبة عندنا بس اذا الانسان فكر شوي بيلاقي انو اذا ضل ببلدو احسن
يعني اذا راح بدو يشتغل5سنين وبعدها بيدفع البدل اما اذا ضل بسنتين بيخلص العسكرية وبعدها يعني شغل ال3 سنين الباقيين من مدة البدل (واللي مارح يكونو متل ربع اللي بيحصلو اذا سافر ) بيكونو الو 000000000000000000000000
بعدين ع الاقل كل شهر بيشوف اهله مو كل سنة او سنتين واللي ما فيه خير لاهله وبلدو ما فيه خير لاي مكان تاني
والله يوفق الجميع bounce

النسر لا يطوي جناحيه مادامت هناك قمة لم يصل اليها