موشح للضيعة

موضوع: موشح للضيعة الإثنين سبتمبر 03, 2007 7:55 pm

يلا يا جماعة تفضلوا لنشوف
وأنا رح بلش

طل الصبح بضـــــيعتنا ------ من خلف تلال
سهرنا وطالت سهرتنا ------ و الحب انقال

يا رايح عاليازدية ------ مرقلي عالسـد
شفلي هاك الصبية ------ و وصّلا الرد
خدلا وردة جورية ------ وبوسة عالخد
قلا اشتاقو عينيي ------ وبعدا عالبال

_________________
من ارتفغ اتضع ومن اتضع ارتفغ

طل الصبح بضـــيعتنا ------ من خلف تلال
سهرنا وطالت سهرتنا ------ و الحب انقال

شمسك ياليازدية ------ ضوّت عالمرج
وعّت هاك الصبية ------ و بسمة عالوج
معها وردة جورية ------ ضمتها بغنج
بقلبا خبت غنية------ وأحلى موال

_________________
Don't live in life let the life live in you

طل الصبح بضـــيعتنا ------ من خلف تلال
سهرنا وطالت سهرتنا ------ و الحب انقال

يا مــــــوقعنا تتهــــــــنى ------ والحظ تصــــيب
الشمس بتشرق من عنّا ------ وعــنّا بتــــغيب
والعنقود المســـــــــتنى ------ تيصــير زبيــــب
والـــلوز الأخـــــــضر غنى ------ وزهّر عتـــــلال

_________________
من ارتفغ اتضع ومن اتضع ارتفغ

طل الصبح بضـــيعتنا ------ من خلف تلال
سهرنا وطالت سهرتنا ------ و الحب انقال

عم تكرج نقله نقله ----- وبحضنو تغـّل
وتقلو روح سرقلي ------ زهرات الفل
لما قلبك يشتقلي ------ والقمر يطل
لاقيني بهاك الحقله ------ خلف العرزال

_________________
Don't live in life let the life live in you

طل الصبح بضـــــيعتنا ------ من خلف تلال
سهرنا وطالت سهرتنا ------ و الحب انقال

الحارة اللي فيها قلبي ------ بيبرم ويدور
بفيّــــاتا متخـــــــــبي ------ طير الشحرور
وعبيــــدرنا المحــــبة ------ وهاك التنّــور
رغيف الصار من الحبة ------ بيطعمي رجال

_________________
من ارتفغ اتضع ومن اتضع ارتفغ

موضوع: رد: موشح للضيعة السبت سبتمبر 08, 2007 7:51 am

طل الصبح بضـــيعتنا ------ من خلف تلال
سهرنا وطالت سهرتنا ------ و الحب انقال

يا ضيعتنا الغالية -------------- أسمك مرفوع
وتلالك هالعالية -------------- ملياني نبوع
وكرمالك يا يازدية -------------- بترخص لدموع
ورح أكتبلك غنية -------------- بتهز جبال

طل الصبــــح بضيعتنا ------ من خلف تلال
سهرنا وطالت سهرتنا ------ والحب انـــقال

ضـــيعتنا هالحلياني ------ اشتقتلا كتير
فيها بيــي ربّانـــــي ------ ت صرت كبير
شربنا محبتها قناني ------ من عمق البير
بدي غنيلا غــــناني ------ ورنــــدح موال

_________________
من ارتفغ اتضع ومن اتضع ارتفغ

موضوع: رد: موشح للضيعة الأحد سبتمبر 09, 2007 6:21 am

طل الصبح بضـــيعتنا ------ من خلف تلال
سهرنا وطالت سهرتنا ------ و الحب انقال

أحلى ضيعا ضيعتنا -------- بي كلّ الكون
وبالصيفية سهرتنا ---------- عاهالبلكون
وبالشتوية قعدتنا ---------- جنب الكانون
مشتقلك يا حارتنا --------- مابدا سؤال

[color=darkred]

طل الصبــــح بضيعتنا ------ من خلف تلال
سهرنا وطالت سهرتنا ------ والحب انـــقال

يا ضيعتنا الحلياني ------ بايام العيد
باليازداوي بتتغني ------- والاسم جديد
و عالغايب قلقانة ------- كونه بعيد
اجمل موقع يزداوي--------عال نيت انقال

[/color]

طل الصبــــح بضيعتنا ------ من خلف تلال
سهرنا وطالت سهرتنا ------ والحب انـــقال

اليازدية تلالا بتحكي ------ عن سحر الكون
علم وإيمان وشركي ----- وأجمل ما يكون
الغيمات عليها بتبكي ----- بعتمة كانــــون
تهلّ بدمعاتا البركــي ------ وتسقي الغـلال

_________________
من ارتفغ اتضع ومن اتضع ارتفغ

طل الصبــــح بضيعتنا ------ من خلف تلال
سهرنا وطالت سهرتنا ------ والحب انـــقال

يالياذدية الغالية ------- حبك بالدم
نشتقلك بهالغربة ------ شوقات الام
والبعد عنك والله ------- بيجيب الهم
ومهما بعدو شبابك ------ تبقي عالبال

طل الصبــــح بضيعتنا ------ من خلف تلال
سهرنا وطالت سهرتنا ------ والحب انـــقال

هالضيعة اللي زاروها ------ حبّـــوها كتـــير
متل الجنة لاقوهــــــا ------ وأجمل ما يصير
بيهالموقع هنّـــوهــــا ------ وأحلى روبيــــر
اليازداوي ضلو أحكوها ------ لكل الأجيـــــال
_________________
من ارتفغ اتضع ومن اتضع ارتفغ

طل الصبــــح بضيعتنا ------ من خلف تلال
سهرنا وطالت سهرتنا ------ والحب انـــقال

أحلى صبايا بالضيعة ......... و أحلى بيوت
و الملقى نهار الجمعة ....... بين شجر التوت
و هالقعدة حد النبعة .......... و الكون سكوت
ياللا تا نعود بسرعة .......... بيكفي ترحال

طل الصبح بضـــيعتنا ------ من خلف تلال
سهرنا وطالت سهرتنا ------ و الحب انقال
يا ضيعتنا الملياني ------ فلّ وياسمين
بغنيلك أحلى غناني ------ بأجمل تلحين
وهالصبية العشقاني ------ بعمر العشرين
بقطفلا هالتغناني ------ من أعلى جبال

طل الصبــــح بضيعتنا ------ من خلف تلال
سهرنا وطالت سهرتنا ------ والحب انـــقال

طل الصـــبح بضيعتنا ------- وفاق العصفور
تيغـــنّي عسطيحتنا ------- بصوتو المسرور
ومن عبّك يا كنيستنا ------- فـــاح البـــــخور
بكل العالــم سيرتنــا -------- مضرب أمتـــال

_________________
من ارتفغ اتضع ومن اتضع ارتفغ

طل الصبح بضـــيعتنا ------ من خلف تلال
سهرنا وطالت سهرتنا ------ و الحب انقال
يا ضيعتنا المحمية ------ بأسوار الحب
أنت بهالكون هدية ------ وأسمك بالقلب
ولو شبهتك لصبية ------ يغازلها شب
رح بعطيكي عينيي ------ وقلبي الميال

موضوع: رد: موشح للضيعة السبت نوفمبر 17, 2007 5:33 pm

طل الصبــــح بضيعتنا ------ من خلف تلال
سهرنا وطالت سهرتنا ------ والحب انـــقال

تركنا الضيعة وسافرنا ------- ودوبنا الشوق
تغّـــــــربنا و تعترنـــا -------- تالحـــال يروق
بس نحنا ما تغـــــيرنا -------- ولا صرنا فوق
لو عالقمر هاجرنـــــا --------- الضيعة عالبال

_________________
من ارتفغ اتضع ومن اتضع ارتفغ

موضوع: رد: موشح للضيعة الأحد نوفمبر 18, 2007 6:55 am

طل الصبح بضـــيعتنا ------ من خلف تلال
سهرنا وطالت سهرتنا ------ و الحب انقال

يا ضيعتنا منحبك --------- قلبي بيقول
وشو تمشينا ع دربك ------ والليل يطول
ونحنا بنعيش بقلبك ------ وهيدا مدلول
عن طيب ورقّة شعبك ----- بكل الأجيال

موضوع: رد: موشح للضيعة الأحد نوفمبر 18, 2007 3:14 pm

أشكر جميع من شاركوا في الموشح وكل من قرأه
وبسبب المشاركات الجميلة والرائعة نفذت القافية .. لذلك أحببت تغيرها والمتابعة بنفس الموضوع لتفادي عدم تكرار القافية وشكرا للجميع

طـــلّ الصـبح بضيعتنا -------- وغنّى العصفــور
سهرنا وطالت سهرتنا -------- حدّ التنّـــــــــــور

يا رايح صوب النبعـــــه ------- تتملّي مــــيّ
انشفت صبايا مجتمعه -------- بأطراف الحي
الحلوة اللي بعينا دمعـه -------- وعمتبكي خطي
بدي اندرلا شمعـــــــه -------- وشعّل بخّـــــور

_________________
من ارتفغ اتضع ومن اتضع ارتفغ

موضوع: رد: موشح للضيعة الأحد نوفمبر 18, 2007 7:33 pm

طـــلّ الصـبح بضيعتنا -------- وغنّى العصفــور
سهرنا وطالت سهرتنا -------- حدّ التنّـــــــــــور

أشتقنا للقعدي برى --------- تحت الفياّّت
ومن عاشية بالسهرة -------- ع سطح البات
وكاسة متي عابكرى --------- بين الحلوات
وقهوتنا حلوة و مره ---------- وبنّا مسحور

طـــلّ الصـبح بضيعتنا -------- وغنّى العصفــور
سهرنا وطالت سهرتنا -------- حدّ التنّـــــــــــور

مرقت من صوبي الشقرا -------- وغمزتني بعين
عكتافا يرقص شعــــــــرا -------- على الميلـــين
رميتني بهاك النظــــــــره -------- صبتا بالعيــــــن
انفكّت عروة عصـــــــــدرا -------- وبان المســـتور

_________________
من ارتفغ اتضع ومن اتضع ارتفغ

طـــلّ الصـبح بضيعتنا ------- وغنّى العصفــور
سهرنا وطالت سهرتنا ------ حدّ التنّـــــــــــور

صرلي بالغربي عشرة ------- وقلبي تعبــــــان
وصاير قلبي من فترة ------- عاشق ولهــــــان
صبية متـــــل الزهرة -------- بأوّل نيســــــــان
بحبا وحيــــــاة العدرا -------- وبنـــــــدرلا ندور

طـــلّ الصـبح بضيعتنا ------- وغنّى العصفــور
سهرنا وطالت سهرتنا ------ حدّ التنّـــــــــــور

ظافر بالغربة صــرلو ------ شي عشر سنين

تيرجع عالضيعة صلّو ----- لَيه الحلــــــوين

حتى قبالو يتحــلّــــــــو ----- يرشـّـو ياسمــين

وعيون الحلوة تقـــلّــو ------ أهلا بظفّــــــور

_________________
من ارتفغ اتضع ومن اتضع ارتفغ

طـــلّ الصـبح بضيعتنا ------- وغنّى العصفــور
سهرنا وطالت سهرتنا ------ حدّ التنّـــــــــــور

الله يسلملي تمـــــــــك ------ تسلم كنعــــــــان
ضيعتنا همي وهمـــك ------ لو وين ماكــــان
والضيعة بدمي ودمـك ------ وفيها الأمــــــان
والزجل يغني أسمـــك ------ وألف مشـــــكور

طـــلّ الصـبح بضيعتنا -------- وغنّى العصفــور
سهرنا وطالت سهرتنا -------- حدّ التنّـــــــــــور

كل ما بوعـى صبحيــة ------ والشمس تـطل
بلمح هاك الصبيــــــــة ------ عم تسقي الفـل
ولمّا بتشتلق عليــــــــي ------ بقرب ما بـفـل
بقدم وردة جوريــــــــة ------- بقلاّ بونجـــور

_________________
من ارتفغ اتضع ومن اتضع ارتفغ

طـــلّ الصـبح بضيعتنا ------- وغنّى العصفــور
سهرنا وطالت سهرتنا ------ حدّ التنّـــــــــــور

يا ضيعتنا شو حلوي ------ بليلك ونهـــــــــــــار
بنهارك تمرق حلوي ------ وعيونا قمـــــــــــار
وبليلــــك تعمل بلوي ------ بمرقة مشـــــــــوار
وقلبو هالعاشق ملوي ------ حواليهـــــــــا يدور

موضوع: رد: موشح للضيعة السبت ديسمبر 01, 2007 4:28 pm

طـــلّ الصـبح بضيعتنا ------- وغنّى العصفــور
سهرنا وطالت سهرتنا ------ حدّ التنّـــــــــــور

شفت الشقرا بالحقلي ---- تقطف زيتون

برمشا صارت تندهلي ---- بغمزات عيون

قالتلي انعرفو أهلـي ---- ســّرب من هون

تخبّى بغصون الدفلي ---- تيغيب النــــور

موضوع: رد: موشح للضيعة السبت ديسمبر 08, 2007 6:00 am

طـــلّ الصـبح بضيعتنا ------- وغنّى العصفــور
سهرنا وطالت سهرتنا ------ حدّ التنّـــــــــــور

بتذكّر وقــــت الماضي ------ شو كنا صغـــــار

كنّـــــــــا ناخد زوادي ------ متل الكبــــــــــار

ونبرم مــــع الصيادي ------ ونشعّل نــــــــــار

ونفتل كلّ الأراضــي ------ وناكـــــل زعرور

[/center]

[right]طـــلّ الصـبح بضيعتنا ------- وغنّى العصفــور

سهرنا وطالت سهرتنا ------ حدّ التنّـــــــــــور

ظافر بعدو بيتذكــر ----- رحلات الصيد

زوادة زيت وزعتر ----- حاملها بإيـــــد

والسمّن طار وكتّر ------ بدو بواريـــــد

هلّق الوضع تغيّر ------- وما ضل طيور

طـــلّ الصـبح بضيعتنا ------- وغنّى العصفــور
سهرنا وطالت سهرتنا ------ حدّ التنّـــــــــــور

كنّا كتيــــر بنتســــلى ------ أيام زمــــــــــان
ونبرم هالدنيي كلهـــا ------ شلّة صبيـــــــان
والطير كـــــان مملاّ ------ بين السنديــــــان
والسـمّن طار وعـلاّ ------ وضلّ الشـــــحرور

[/center]

[center][b]طـــلّ الصـبح بضيعتنا ------- وغنّى العصفــور
سهرنا وطالت سهرتنا ------ حدّ التنّـــــــــــور

ضيعتنا الحلوة تلالا ----- تغطّت بالغار
والزيتون العجبـــالا ----- بيجود ثمـــار
بالغربة نص رجـالا ----- راحو مشــوار
تَ يزيدولا جمـــــالا ----- ويبنوا القصــور

طـــلّ الصـبح بضيعتنا ------- وغنّى العصفــور
سهرنا وطالت سهرتنا ------ حدّ التنّـــــــــــور

ضيعتنا اللعم تتحلى ------ بعيون النــــــــاس

متل الصبية وأحلى ------ وأغلى من لمـــاس

أنا راجع حتى قلا------ أشــــــــتقنا للكـــاس

كاسك كنعان بيحلا ------ بطبـــــــل وزمور

بقصد بالزمور يعني الزمر والمجوز
بس غيرلي القافية يا كنعان تعبتني

موضوع: رد: موشح للضيعة الجمعة ماي 02, 2008 5:20 pm

لعيونك خيي ظافر رح نغير القافية

سحر الطبيعة عنا ----- أحلى ما يكون
ضيعتنا عم تتغنــا ----- فيها العيـــــون

اليازدية نعمة الله ----- بين الضيعات
بسحرو الله تجلى ----- فيها بالذات
عن أرضا ما منتخلى ----- وعن هالفيّات
لو زرنا الدنيي كلا ----- وبرمنا الكون
_________________
من ارتفغ اتضع ومن اتضع ارتفغ

موضوع: رد: موشح للضيعة الإثنين ماي 05, 2008 7:47 pm

سحر الطبيعة عنا ----- أحلى ما يكون
ضيعتنا عم تتغنــا ----- فيها العيـــــون

ضيعتنا أحلى جنة ----- ملياني ورود

وفيها العصفور يغني ---- موال وعود

والله قلبي مستني----- نرجع ونعود

والحلوة سألت عني----- وبحبا جنون

[size=21]سحر الطبيعة عنا ----- أحلى ما يكون
ضيعتنا عم تتغنــا ----- فيها العيـــــون

غربتنا أقسى غربة......بتهد الحي

للمحبوبة وللقربة......الشوق يميل

محلى أيام الصحبة......وسهرات الليل

غربة ضيعتنا غربة......والشوق جنون[/size]